ကညီကျိာ် (Karen)
မ့ၢ်နဘၣ်ကိၢ်ဘၣ်ဂီၤဘၣ်ဃးနတၢ်အဘူးအလဲစ့ကဒွဲတဖၣ်န့ၣ်ဧါ.
မ့ၢ်နဘၣ်ဂဲၤလိာ်ထဲးဂံၢ်ထဲးဘါလၢက ဟ့ၣ်ဟံၣ်လဲ, လိးဟံၣ်လၢနပှ့ၤတဖျၢၣ်အစ့ကဒွဲ, ခရဲဒံးကး, တၢ်ပှ့ၤသိလ့ၣ်စ့ဃ့လိၢ်, လီၢ်က၀ီၤကီၣ်ကး ကရၢ အတၢ်ထၢစ့တဖၣ်မ့တမ့ၢ်ကၠိလဲတဖၣ်န့ၣ်ဧါ.
နတူၢ်ဘၣ်ဟံၣ်ဖိဃီဖိတၢ်စုဆူၣ်ခီၣ်တကး, တၢ်တၤ ကျိၣ်စ့တၢ်မၤဆူးမၤဆါမ့တမ့ၢ်တၢ်ရ့လိၥ်မုၥ်လိၥ်တၢ်လီၤမုၢ်လီၤဖးတဖၣ်န့ၣ်ဧါ.
ကျိၣ်စ့ပှၤဟ့ၣ်ကူၣ်ဟ့ၣ်ဖးတၢ်တဂၤမၤစၢၤနၤသ့လီၤ.
ကျိၣ်စ့ပှၤဟ့ၣ်ကူၣ်ဟ့ၣ်ဖးတၢ်တဖၣ်ဟ့ၣ်ကလီတၢ်ဆီၣ်ထွဲလၢတအိၣ်ဒီးတၢ်ပဲၥ်ထံနီၤဖးတၢ်ဆူပှၤလၢအအိၣ်ဒီးကျိၣ်စ့တၢ်ဂ့ၢ်ကီတဖၣ်အအိၣ်န့ၣ်လီၤ.
ကျိၣ်စ့ပှၤဟ့ၣ်ကူၣ်ဟ့ၣ်ဖးတၢ်တဂၤမၤစၢၤဒီးနၢ်ပၢၢ်နၤသ့လၢ-
- တၢ်လၢၥ်ဘူၣ်လၢၥ်စ့ၤစ့ကဒွဲဒီးစ့ဃ့လိၢ်တဖၣ်
- ဒ့ၣ်ကမၢ်တဖၣ်
- ဟံၣ်ဃီတၢ်လၢၥ်ဘူၣ်လၢၥ်စ့ၤ
- စ့အိၣ်လိးတဖၣ်
- ကျိၣ်စ့တၢ်မၤစၢၤလၢဟံၣ်ဃီတၢ်လၢၥ်ဘူၣ်လၢၥ်စ့ၤအဂီၢ်
- လီကျိၤခိၣ်တၢ်မၤလံၣ်မၤလီ
- ပဒိၣ်တၢ်ဆီၣ်ထွဲမၤစၢၤ
- ပှၤသူစွဲတၢ်ဖိဒီးကျိၣ်စ့တၢ်ခွဲးတၢ်ယၥ်တဖၣ်
- တၢ်အုၣ်ကီၤအတၢ်ဃုထၢတဖၣ်
ကျိၣ်စ့ပှၤဟ့ၣ်ကူၣ်ဟ့ၣ်ဖးတၢ်တဖၣ်မၤဃုၥ်တၢ်ဒီးကရၢလၢတမ့ၢ်ပဒိၣ်တၢ်ကရၢကရိတဖၣ်န့ၣ်လီၤ. တၢ်မၤစၢၤတဖၣ်န့ၣ်တလၢၥ်ဘူၣ်လၢၥ်စ့ၤဘၣ်, တၢ်ပာ်အီၤလၢတၢ်ခူသူၣ်အပူၤဒီးပှၤတဂၤလၢ်လၢ်လၢ အအိၣ်ဒီးတၢ်ဘၣ်ယိၣ်ဘၣ်ဃးအကျိၣ်စ့တၢ်အိၣ်သးတဖၣ်ဒိးန့ၢ်ဘၣ်၀ဲသ့န့ၣ်လီၤ. တၢ်ဆီၣ်ထွဲလၢနီၢ် ကစၢ်မ့တမ့ၢ် လီတဲစိတဆီန့ၣ်အိၣ်၀ဲလၢနလီၢ်က၀ီၤကျိၣ်စ့တၢ်ဟ့ၣ်ကူၣ်ဟ့ၣ်ဖးတၢ်မၤစၢၤအအိၣ်န့ၣ်လီၤ
ဖဲနကတိၤတၢ်ဒီးကျိၣ်စ့ပှၤဟ့ၣ်ကူၣ်ဟ့ၣ်ဖးတၢ်တဂၤအခါနကတူၢ်ဘၣ်လၢနသ့ၣ်ညါတၢ်ဂ့ၢ်တၢ်ကျိၤတဖၣ်, ဒီးနၢ်ပၢၢ်နတၢ်ဃုထၢတဖၣ်န့ၣ်လီၤ.
လၢကကတိၤတၢ်ဒီးနလီၢ်က၀ီၤကျိၣ်စ့ပှၤဟ့ၣ်ကူၣ်ဟ့ၣ်ဖးတၢ်တဂၤအဂီၢ်,
ကိး- ၁၈၀၀ ၀၀၇ ၀၀၇ (ဂီၤ ၉.၃၀ နၣ်ရံၣ် – ဟါ ၄.၃၀ နၣ်ရံၣ် မုၢ်ဆၣ်တုၤမုၢ်ဖီဖးအနံၤ) န့ၣ်တက့ၢ်.
ကွၢ်ဘၣ်- www.ndh.org.au
ပှၤကတိၤကျိးထံတၢ်ဖိတဖၣ်အိၣ်၀ဲလီၤ.
ကျိၣ်စ့တၢ်ဟ့ၣ်ကူၣ်ဟ့ၣ်ဖးလၢပှၤလၢအမၤမုၢ်ကျိၤ၀ဲၤကွၥ်အဆံးတဖၣ်အဂီၢ်-
ကျိၣ်စ့တၢ်ဟ့ၣ်ကူၣ်ဟ့ၣ်ဖးတၢ်ဆီၣ်ထွဲလၢအအိၣ်ဒီးတၢ်ဟ့ၣ်လီၤသးတုၤလီၤတီၤလီၤန့ၣ်အိၣ်၀ဲလၢပှၤလၢအမၤမုၢ်ကျိၤ၀ဲၤကွၥ်အဆံးတဖၣ်အဂီၢ်ဖဲဘံးထိရံယါအပူၤန့ၣ်လီၤ.
တၢ်မၤစၢၤတဖၣ်ပၣ်ဃုၥ်-
- မုၢ်ကျိၤ၀ဲၤကွၥ်ဒ့ၣ်ကမၢ်တၢ်မၤစၢၤလီကျိၤဖဲ ၁၈၀၀ ၄၁၃ ၈၂၈ မ့တမ့ၢ်ဘံးလီၤဖဲအံၤလၢကကတိၤတၢ်လၢလီကျိၤခိၣ်အဂီၢ်တက့ၢ်.
- ကရူၢ်ပှၤမၤဃုၥ်တၢ်လၢတၢ်အိၣ်မုၥ်အိၣ်ပၢၤအဂီၢ်ဖဲ ၁၃၀၀ ၃၇၅ ၃၃၀ မ့တမ့ၢ်ဘံးလီၤဖဲအံၤလၢကကတိၤတၢ်လၢလီကျိၤခိၣ်အဂီၢ်တက့ၢ်.